NHA TRANG, Vietnam – Organi i partisë komuniste vietnameze gazeta më e madhe në Vietnam “Nhan Dan”, me qëllim e ka deformuar shkrimin dhe ka manipuluar lexuesin e saj me paraqitjen e garueseve sipas vendeve që ato përfaqësonin.

Në shkrimin e tij gazetari, Thu Thin, kur përmend 10 bukuroshet e semifinales, duke ndjekur linjën e pro komuniste të Vietnamit në lidhjet e saj me Sërbin, për mos njohjen e Kosovës, shkruan artikullin me titull "Miss Kosovo - Serbia" u kualifikua në 10 më të mirat.

Gafa e pështirë e gazetës komuniste vjetnameze, është më se e qëllimshme, pasi mbarë bota e pa spektaklin dhe të gjithë e panë se Miss Kosova, Zana Karsniqi mbante në trup shiritin "Miss Kosova".

Më se një miliard njerëz, e panë dhe dëgjuan dy moderatorët e Miss Universit, Jerry Springer dhe Spice Girl Melanie Brown, teksa prezantuan bukuroshen shqiptare nga Kosova Miss Kosova Zana Krasniqi.

I takon ambasadës shqiptare në Hanoi, dhe isntitucioneve të shetit të Kosovës, të protestojnë dhe t'i kërkojnë gazetës në fjalë dhe gazetarit, Thu Thin të kërkojnë falje publike dhe të përgënjeshtrojnë vetëveten duke e ribotuar artikullin me "Miss Kosova" Zana Krasniqi - e jo "Miss Kosovo - Serbia" .

Miss Kosova dhe Miss Serbia që përfaqësonin një botë që ngrihej mbi ndarje etnike dhe inate të vogla, aq sa njerëzit pyesin kush duhet të flijohet. “Ne jemi mikesha dhe shkojmë ngado së bashku”, tregon Bojana Boric, përfaqësuesja e Miss Serbia. “Ne jemi vajza dhe duam të flasim me të gjithë”.

“Miss Universe 2008” që do të prezantohet nga Jerry Springer dhe Melanie Broën, do të shfaqet direkt në NBC dhe miliona shikues nga e gjithë globi do ta ndjekin nga Nha Trang, kryeqyteti i Vietnamit. “Unë jam shumë krenare që përfaqësoj Kosovën, këtë shtet të ri në botë”, ka thënë Krasniqi. Këtë vit kandidatet po përjetojnë momente të veçanta dhe eksperienca të paharruara, thotë ajo.

Media shqiptare : Zana Krasniqi ndër 10 më të bukurat në Miss Universe

Miss Kosova, Zana Krasniqi, është renditur ne mesin e 10 më të bukurave në Miss Universe 2008 që këtë vit u mbajt në Vietnam. Sipas pikëve të mbledhura Zana zuri vendin e gjashtë. Kjo është hera e parë që Kosova merr pjesë në një spektakël të bukurisë me përmasa botërore.Fituese u shpall Miss Venezuela, Dayana Mendoza, që ishte favorite për ta fituar kurorën e më të bukurës qysh nga dita e parë.

Zana Krasniqi është një modele nga Kosova që u zbulua nga fotografi kosovar, Fadil Berisha. Pas shpalljes së pavarësisë, Berisha përdori kontaktet e tij në organizatën e Miss Universe për t’i mundësuar Kosovës të merr pjesë për herë të parë në këtë garë bukurie.

Krasniqi u zgjodh për ta përfaqësuar Kosovën në një konkurs që u mbajt në Prishtinë dhe është thënë se konkursi është mbajtur vetëm sa për sy e faqe pasi që emri i fitueses dihej paraprakisht.

Me që Vietnami nuk e njeh pavarësinë e Kosovës, Zanës fillimisht ju refuzua viza për në këtë shtet. Me të mësuar këtë Fadil Berisha kontaktoi autoritete shqiptare që lëshuan një pasaportë shqiptare.Në këtë konkurs bukurie kanë marrë pjesë edhe Shqipëria me Matilda Meçini si dhe fqinji unë që nuk e njeh pavarësinë, Serbia.

Sipas agjencisë së lajmeve, Associated Press, Zana dhe Miss Serbia Bojana Boric janë bërë shoqe gjatë spektaklit dhe më pas kanë qenë të pandashme. Mbetet të mësohet se si do të reagojnë mediat nacionaliste në Beograd.Ndryshe, Zana Krasniqi është e bija e kompozitorit të mirënjohur nga Kosova, Naim Krasniqi