Te nderuar Vizitor Jeni duke vizituar Gazeten Lokale Shkodra, kjo Gazete Shperndahet jo vetem ne Shqiperi  por edhe ne Greqi dhe shtetet Fqinje,

 Kryeredaktor  Kabil  Bushati    Tel:+355692167985

  Llogaria Bankare  Nr.410023424

  Banka Kombetare Tregtare Dega       Shkoder         

Kerko ne GOOGLE

                                                    Opinion Nga Kabil Bushati

Edi Rama qan me lot, na janë mbushë klubet plot !!!    Opinion nga Kabil Bushati

         Ky sezon politik i fundverës po shpalon në mënyrë frekuente paradokse të çuditshme. Ndërsa qeveria e mazhorancës së djathtë, punoi në efikasitet të plotë për ngritjen ekonomike të vendit, opozita e majtë bëri kokrrën e sefasë duke kaluar vakancat e tejzgjatura plazheve më të shtrejta mesdhetare. Para shqiptarëve performojnë dy ekipe të kundërta, një qeveri me lëkurë të bardhë që nuk ka shijuar rrezet e diellit përvëlonjës të kësaj vere të tejnxehtë, por ka punuar non stop, dhe një opozitë me lëkurë ngjyrë çokollatë e cila është tejngopë me rreze ultravioletë.(?!). Sa log politikë të çuditshëm kemi ne shqiptarët!

        Gjithsesi pas një zhdukje të stërzgjatur shumëditëshe, më në fund kryesocialisti Edi Rama me taborrin e tij u shfaqën para kamerave televizive,si personazhet e Dritëroit, të hollë si kosorë e jataganë. Menjëherë nisën të kuisin, si Tersët e Pojanit. Ndoshta për të justifikuar para popullit mungesën e tyre të gjatë e të pa justifikuar. Me leshrat e kokës të ngrtur përpjetë, para kamerave televizive, kupolasit rozë po emetojnë tërë tragjikomicitetin e tyre. Po u qajnë hallin shqiptarëve për gjoja varfërinë që qenkërka ulur këmbëkryq në këtë vend, për çmimet ushqimore që sipas tyre qenkërkan në stratosferë, për tenderat e rrugëve që gjasme po abuzohen etj etj. Avaze të vjetra sa vetë opozita. Por gjithsesi Edi Rama , Erion Braçja, Mimi Kodheli e Valentina Leskaj po qajnë me lot e janë bërë me t’u dhimbtë.

         Po si qëndron e vërteta. A po përjetojnë shqiptarët këtë varfëri që po artikulon Edi Rama me hackersat e tij. Le të analizojmë me qetësi dhe realizëm. Jemi të ndërgjegjshëm se në këto tre vite të qeverisjes së djathtë Shqipëria nuk është shndrruar as në Sharm el Shejk e as në Kanarie. Jemi të ndërgjegjshëm se shqiptarët nuk po hajnë me lugë floriri dhe nuk po hajnë mish përditë. Por jemi të ndërgjegjshëm e të bindur se spiralja ekonomike ka një ngritje të dukshme në këto tre vite. Vërehen përpjekje serioze nga ana e qeverisë për ta çuar vëendin drejt një boom-i ekonomik. Shqipëria, mund ta pohojmë pa frikë se është kthyer në një kantier gjigand ndertimi. Po ndertohen rrugë, shkolla, ujësjellsa.  Çmimet e artikujve agroushqimorë të prodhuara në vend janë gati falas. Në Shkodër me një euro mund të blesh dymbëdhjetë kilogram domate ose dhjetë kilogram shalqi e kështu me radhë. Po t’i krahasosh këto çmime me ato të rajonit të Mesdheut konstaton se janë ku e ku më të ulëta. Është e vërtetë se ka një rritje të çmimeve të ndonjë artikulli kolonial por këto janë interferenca të tregut botëror dhe relativiteti i tyre pa diskutim që do të ndikojë edhe në tregun tonë ashtu si kudo në mbarë globin. Vallë a për një shishe vaj do ta shesin shqiptarët Partinë Demokratike dhe qeverisjen e saj në zgjedhjet e ardhshme politike. Mendoj që jo.

       Kam shetitur në shumë qytete të vendit dhe më ka bërë përshtypje një gjë. Pasdrekeve të gjitha klubet, baret e restorantet janë plot e përplot me klientë. Gjë që nuk tregon për krizë ekonomike. Është vështirë të rezervosh një tavolinë kudo. Njerëzit hajnë e pijnë,bëjnë humor dhe nuk ua ndjen fare për Edvin Ramën që u qan “hallin”. Le të marrim shëmbull Shkodrën e cila dihet nga të gjithë që është qyteti i lënë pas dore për tetë vite rresht nga socialistët dhe rjedhimisht i takon të jetë qyteti me nivelin me të ultë ekonomik. Sivjet, pas më se një dekade harrese të imponuar, i është rikthyer përsëri piaca tradicionale me xhiron e mbrëmjes. Ndonse gjysma e kësaj pjace të hershme veneciane është në rikonstruksion, shkodranët nuk duan të ia dijnë. Pjaca vlon nga një nur i bukur. Klubet e baret e Shkodrës janë plot e të tejmushur me klientë, e të gjithë këta harxhojnë lekë e euro, gjë që të shtyn të besosh në të kundërtën e asaj që predikon Edi Rama me vajtojcat e tij. Bile po të shkosh darkave tek Ura e Bunës duhet të presësh një orë në veturë që të kalosh  prej fluksit të automjeteve të cilat e drejtohen Shirokës, Zogajve, Zuesit, Oblikës e Muriqanit që të darkojnë me familjet. Nuk po përmëndim këtu Velipojën e cila aktualisht akomodon rreëth 120 mijë pushues. Vetëm ata që e kanë provuar këtë plazh lokal e dijnë se sa e vështirë është që të darkohesh nëpër klubet e Velipojës. E pra nuk do shumë mend për të kuptuar se te gjithë këta njerëz harxhojnë lek të cilat i kanë fituar diku. Po të gjitha ato vetura të shtrejta që udhetojnë si milingonat a blejnë karburant apo punojnë me ujë.(?!).

            Ndaj me të drejtë shkodranët si njerëz të humorit e satirës therëse i kanë nxjerrë ditët e fundit Edi Ramës një këngë. Për arësye vendi në gazetë po citojme dy vargjet:

         “Edi Rama qan me lot,

         na janë mbushë klubet plot..”

 Copyright © 2007. www.Gazetashkodra.net