Kriza në Greqi, Papandreu anulon vizitën në SHBA

ATHINE- Kryeministri grek Jorgos Papandreu anulon udhëtimin e tij në Shtetet e Bashkuara dhe pjesëmarrjen e saj në Asamblenë e Përgjithshme të OKB-së.

Kryeministri kishte nisur dje udhëtimin për në në Nju Jork, me një ndalesë në Londër.

Sipas një njoftimi nga Zyra për shtyp e Kryeministrit, anulimi i vizitës ishte i nevojshëm, sepse "java e ardhshme është tepër kritike për zbatimin e vendimeve të 21 korrikut në Eurozonë dhe për nismat që do të ndërmerren në vend”.

Thuhet, se Jorgos Papandreu ka kontaktuar me Ministrin e Financave Evangelos Venizelos, nga i cili u informua mbi rezultatet e takimeve të Eurogrupit dhe Ecofin.

Kthimi i Papandreut ishte i nevojshëm, sepse ministri Venizelos e informoi për faktin që Troika mund të konsiderojë tarifë shtesë për pronën dhe në këtë rast, mund të ketë nevojë për masa të reja.

Nga GREQIA: Gazetarja : Emiljana Shtjefni

              Ju Rekomondojme te Vizitoni Webfaqen e Shoqates Nene Tereza ne United Kingdom