Dy familje në këtë fshat janë grindur me njëri-tjetrin për shkak të një fejese të dështuar, ngjarje nga e cila janë plagosur gjashtë persona, njëri prej të cilëve rëndë. Bajram Fushtani, 50 vjeç, sëbashku me djalin e tij, Tajar Fushtani, 28 vjeç, dhe bashkëfshatarin e tyre, Eduart Turani, kanë qëlluar me mjete të forta duke dhunuar dhe lënë të plagosur gjashtë anëtarët e familjes Zenuni. Në gjendje kritike është dërguar në spitalin ushtarak Ylli Zenuni, ndërsa të plagosur janë edhe Izmir Zenuni, Ali Zenuni, Sokol Zenuni, si dhe dy grate: vjerra dhe nusja e familjes, E. dhe M. Zenuni.

Familja Fushani mësohet se kishte kundërshtuar një fejesë mes vajzës së tyre dhe djalit të të plagosurit, Ylli Zenuni, çfarë është bërë shkak për një konflikt që ka vazhduar disa ditë mes tyre. Familja Zenuni mësohet se kishte kërkuar për nuse vajzën e familjes Fushtani, gjë e cila nuk ishte pranuar prej këtyre të fundit. Pasi i kishin kundërshtuar kërkesën e Ylli Zenunit për fejesën e djalit të tij me vajzën e Bajram Fushatit, këta të fundit kanë nisur të grinden me bashkëfshatarët.

E njëjta grindje mësohet se ka ndodhur dhe gjatë mbrëmjes së djeshme, ku Tajar Fushani sëbashku me djalin dhe bashkëfshatarin e tij kanë shkuar në familjen e Zenunit për të ripërsëritur mospranimin e fejesës. Por, me me mjete të forta ata kanë qëlluar ndaj familjarëve duke i lënë ata të plagosur. Në vendin e ngjarjes kanë mbërritur ekspertët e policisë, të cilët nisën hetimet rreth kësaj ngjarjeje.

Në polici mësohet se janë shoqëruar autorët Bajram e Tajar Fushtani dhe bashkëfshatari i tyre, Eduart Turani, të cilët janë marrë në pyetje në lidhje me ngjarjen, ndërkohë që po punohet për zbardhjen e motiveve dhe shkaqeve të plota të saj.

              Ju Rekomondojme te Vizitoni Webfaqen e Shoqates Nene Tereza ne United Kingdom